Þjálfari minnibolta KFÍ er virkilega stoltur af strákunum sínum. 15 púkar fóru suður og spiluðu þeir níu leiki, og unnu fleiri leiki en við töpuðum. Strákarnir eru greinilega í mikilli framför. Kvikmyndatökumaður KFÍ, Jakob Einar Úlfarsson, var með í för og tók upp öll herlegheitin og verður unnið að því á næstu dögum að klippa saman skemmtilegt myndband sem verður sett á síðuna. Við viljum þakka krökkunum og foreldrum fyrir frábæra helgi, og verður þetta endurtekið á Nettómótinu í mars. Nánari ferðasaga kemur á næstu dögum.

Hérna eru nokkrar MYNDIR frá mótinu.Tomasz Kolodziejski tók og kunnum við honum þakkir fyrir :) Fleiri myndir koma svo inn í vikunni með ferðasögunni sem Helgi Sigmundsson og Jakob Einar Úlfarsson tóku.

Áfram KFÍ

Kapparnir á Fúsíjama TV hafa klippt saman myndbrot úr sigurleik KFÍ á Íslands- og bikarmeisturum Snæfells sem fram fór á föstudaginn. Eins og flestir vita endaði KFÍ 11 leikja taphrinu sína í úrvalsdeildinni með öruggum 89-76 sigri á Snæfellingum. Klippuna má sjá hér.

Það er óhætt að segja að púkarnir okkar hafi skemmt sér vel í dag. Þeir byrjuðu daginn snemma eða um 8.30 og kepptu þrjá leiki. Þetta voru minni bolta yngri púkarnir og kepptu þeir gegn KR, Ármann og Grindavík og eru framfarirnar hjá þeim mjög miklar. Þeir eru farnir að spila miklu meira sem lið og láta boltann ganga vel. Ekki eru talið stig, en samkvæmt okkar talningu höfðu þeir sigur í öllum leikjunum sem er frábært. 

Eftir þessar rimmur var haldið í Smáralind og tekið þá í 50 ára afmælishátið KKÍ sem var stórglæsileg og var ánægjumælirinn í botni hjá þeim. Síðan var það Pizza Hut og endað á bíó þar sem var mikið hlegið af Jack Black í myndinni Gullivers travels. Púkarnir okkar eru sínu félagi á Ísafjarðarbær til sóma og eru komnir í rúmið, þar sem áfram verður keppt á morgun og byrjum við 9.00.

Við söknum tveggja drengja þeirra Þorleifs Ingólfssonar og Lazars Dragoljovic, en þeir komust ekki þar sem ekki var flogið frá Reykjavík og viljum við senda þeim saknaðarkveðjur !! Við verðum saman í Nettómótinu strákar.

kv. frá hópnum
Áfram KFÍ. 

KFÍ gerði sér lítið fyrir og lagði Bikar- og Íslandsmeistara Snæfells að velli í kvöld, 89-76, og endaði þar með 10 leikja taphrinu sína í úrvalsdeildinni. Craig Schoen fór mikinn í leiknum og var með 31 stig, 8 fráköst og 7 stoðsendingar.

Tölfræði leiksins

Snæfellingar koma akandi og því verður leikur skv. auglýstri dagskrá kl. 19.15.  Allir að mæta og hvetja piltana okkar til sigurs.

Hins vegur hefur leik drengjaflokks gegn Njarðvík verið frestað til sunnudags.  Mun leikur fara fram kl. 14.30. 

Drengjaflokkur leikur einnig á morgun laugardag kl. 15.00 gegn Akranesi og mun sá leikur fara fram óháð flugsamgöngum þar sem Skagamenn koma akandi.

Þess bera að geta að leikurinn við Snæfell í kvöld verður ekki í beinni útsendingu að þessu sinni þar sem útsendingarhópur KFÍ TV er á leið suður þar sem þeir munu taka upp efni á Póstmóti Breiðabliks og afmælishátíð KKÍ. Hægt verður þó að fylgjast með beinni textalýsingu af honum á vef KKÍ.