Strákarnir okkar í drengjaflokki spiluðu gegn FSU fyrr í dag.  Leikurinn var jafn fyrstu mínúturnar en í stöðunni 2-5 breyttu Ísfirðingar stöðunni í 11-5 með 9 stigum í röð og litu ekki við það sem eftir lifði leiks.  12 stiga forysta eftir fyrsta fjórðung, 26-14, 22 stig í hálfleik eða 49-27 og svo 32 stiga munur eftir þrjá leikhluta 70-38.  Aðeins var slakað á klónni í 4. leikhluta en að lokum endaði leikur með sigri KFÍ 80-50.

Allir leikmenn KFÍ komust vel frá leiknum.  Varnarleikurinn var öflugur frá fyrstu mínútu og var Borce duglegur að skipta inn á og var ætíð með óþreytta menn inni á vellinum.  Agaður sóknarleikur sást og eru það nýjar fréttir frá þessum hópi, gaman að sjá að strákarnir eru að þroskast sem leikmenn.  Virkilega falleg tilþrif og góður samleikur sást og ánægjulegt að sjá hvað við eigum marga efnilega leikmenn í þessum hópi.

Allir leikmenn spiluðu vel og gaman að sjá að allir náðu að skora.  Annars skiptust stigin svona:

Leikmaður	Stig	Vítanýting	3 stiga körfur
Hlynur Hreinsson	19		3
Florijan Jovanov	9		1
Jón Kristinn Sævarsson	8
Guðmundur Guðmundsson	8	2-2
Leó Sigurðsson	8
Stefán Díegó	6	2-0
Sævar Vignisson	4
Guðni Páll Guðnason	4
Hákon Atli Vilhjálmsson	3	4-1
Hermann Hermannsson	3	2-1
Sigmundur Helgason	3	2-1
Þorgeir Egilsson	3		1
Ingvar Bjarni Viktorsson	2

Öruggur sigur staðreynd.  Um næstu helgi spilar drengjaflokkur síðan gegn KR og Grindavík.  Nú er bara að halda þessum góða leik áfram og bæta við sigrum.  Í vetur er liðið búið að vinna 4 af 7 leikjum. Við þökkum stuðning áhorfenda og eins og alltaf áfram KFÍ.